IKASTETXEA

AURKEZPENA

Bizkaiko eraikuntza Lanbide-heziketako Ikastetxe Bateratua da lurralde historikoan eraikuntzaren eta eraikingintzaREN sektoreetako erdi eta goi mailako hezkuntza zikloak eskaintzen dituen ikastetxeE ofizial bakarra. Halaber, laneko arriskuen prebentzioa irakasten duen bizkaiko Ikastetxe publiko bakarra da.

Duela gutxi gure prestakuntza-eskaintzan, Informatika eta Komunikazioen (Sistema Mikroinformatikoak eta Sareak) eta Fabrikazio Mekanikoko (Soldadura eta Galdagintza) familien erdi mailako bi heziketa-ziklo sartu ditugu.

Eta eskaintza ere zabaldu dugu espezializazio ikastaro batekin (Master LH) – Eraikinen Informazioaren Modelaketa (BIM) –

Gure ikastetxea Lanbide Heziketa integraleko ikastetxeen sareko kidea da, eta hamar urte luzeko ibilbidea du. Ondoko titulu ofizialak lor ditzakezu gurekin: Eraikuntza Teknikaria, Barrualdeko Obrak, Dekorazio eta Birgaikuntza Teknikaria, Sistema Mikroinformatikoak eta Sareak, Soldadura eta galdagintzaren teknikaria, Planak Burutzeko Goi Mailako Teknikaria (arduraduna), Eraikuntza Proiektuetako Goi Mailako Teknikaria, Laneko Arriskuen Prebentziorako Goi Mailako Teknikaria eta Informazioaren Modelaketaren Espezialistaren ziurtagiria (BIM).

ISO 9001 Ziurtagiria lortu zuen Estatu osoko lehen ikastetxea izan zen

Irakasleria


Gure irakaskuntzak ezin hobeto erantzuten die merkatuko eskakizunei zein espezializazio-beharrei. Horretarako, gure irakasleen eskarmentua (izan ere, lizentziadunak, teknikariak eta espezialista tituludunak dira) eta ikasleek enpresetan egiten dituzten praktikak baliatzen ditugu.

Bestalde, emakumea indar handiz ari da merkatu eta sektore honetan sartzen, eta gure ikastetxea errealitate horren isla da: gero eta neska gehiago ditugu gure ikasgeletan.

Eraikuntza LHko Institutua bakarra, profesionala eta berritzailea da. Hala, sorreratik lotu zaio kalitatearekin bat egiteko konpromisoari: ISO 9002 Ziurtagiria lortu zuen Estatu osoko lehen ikastetxea izan zen, baita ingurumen-hezkuntzaren ezarpenean aitzindaria ere.